廣告變100秒棟篤笑 講打工仔辛酸 
子華神勸港人 咪淨係掛住搵食

更新時間 (HKT): 2021.05.22 02:00

現年60歲的黃子華自去年拍畢賀歲片後,神隱多時,昨日終於有新作面世,就是踢走代言多時的鄭嘉穎,為外賣平台拍攝全新一輯廣告片。在短短100秒的廣告中,子華神猶如舉行迷你棟篤笑,大講金句描述打工仔辛酸,奉勸香港人不要只顧賺錢「搵食」,忽略身邊的一切包括尊嚴、健康及生活,結果獲網民讚內容對白貼地真實,感同身受。

黃子華自去年賣樓拍畢賀歲片《乜代宗師》後,一直深居簡出,絕少公開露面,有指他此段時間正忙於籌備《棟篤神探》電影版,因他除飾演男主角「莫作棟」外,還會出任導演及編劇。相隔一年多,昨日黃子華終於出關,不過其新作並非電影或劇集,而是取代鄭嘉穎,為外賣平台拍攝全新一輯廣告片,跟近日人氣爆燈的MIRROR及ERROR代言的另一外賣平台來個正面對撼。其實黃子華拍攝的廣告一向貴精不貴多,對上一次已經是三年前的信用卡廣告。

手機用戶請按此放大圖表

似影展獎項加冕打工仔

在短短大約100秒的廣告中,黃子華由頭講到落尾,十足開棟篤笑一樣,盡情發揮所長,廣告以「點止搵食咁簡單」為主題,甫開始左右兩邊播出模仿電影展獎項的logo,當中抵死地寫着「早午晚三份工鐵人大獎」、「奧林匹克最長工時大獎」及「十號風球最快復工獎」等,令不少打工仔笑中有淚,黃子華說:「香港人搵食世界第一!因為喺香港人嘅生活之中,搵食排名第一!」道盡香港打工仔的拼搏勤奮特色。

接着黃子華站在一群忙於工作的打工仔前說:「搵食係精神,搵食係信仰,但係淨係搵食,到頭嚟我哋搵到啲乜?」之後再緊接道出打工仔拚命工作,但卻完全忽視了父母,「搵到份工,你老竇老母搵唔搵到你?」為工作沒有愛人,「你真係好鍾意返工呀?有無時間搵鍾意嘅人?」連健康也奉上,「搵到餐餐九大簋,係咪已經捱壞咗副偈?」甚至為了賺錢,寧願放棄「樽鹽」(指尊嚴),當中黃子華一句對白叫大部份香港人最值得反思:「你搵到個首期,又有幾多時間留喺屋企?究竟係搵食冇得揀,定係我哋喺搵食同生活之間,淨係揀咗搵食?」最後黃子華hard sell外賣平台,又謂因方便而節省回來的時間就不要只顧賺錢「搵食」,亦要關心自己及身邊一切的人和事,就連片尾的end credit,也充滿玩味,除「黃子華」飾演「子華神」外、廣告中飾演打工仔的計有「捱到似50歲嘅30歲打工仔」、「OT成年冇返屋企嘅不孝子」等等,廣告還特別鳴謝一眾「香港人」。

「腦細」出帖惹創作誤會

不少網民看完廣告後大讚:「對白好喜歡,講中港人心,超正」、「呢個mini棟篤笑堅正」等,有網民亦讚廣告中大膽加入同性婚姻畫面。對於網民熱烈反應,黃子華經理人昨日回覆《蘋果》時表示因廣告「橋好」促使他接拍:「條橋畀子華睇嘅時候已經係咁,之後大家開會,都係微調一啲好細微嘅嘢,出嚟有咁好反應,當然好開心,credit係要畀返製作同廣告公司,真係好多謝觀眾咁支持。」

而100毛「腦細」林日曦昨日亦在其個人fb貼播黃子華此廣告,令不少網民以為是由他們創作,他回覆《蘋果》時澄清與自己無關:「我只係接咗fb post廣告啫,因我寫得大件事咗,喧賓奪主,其實我係寫返自己近呢兩年都好少接呢啲fb post廣告,冇得接因我收得貴啩,改嘢又唔改,得罪晒啲客,所以廣告商都麻麻哋搵我。𠵱家我騎劫咗子華,真係對唔住。」至於廣告真正幕後班底包括導演Oggy、創意總監Fenris及攝影師CK Chan,Fenris表示廣告內容是為子華度身訂做的。

娛聞樂陪你走遍全球追星,即Like「娛果」FB 專頁!
BannerBanner