【看透世情】金句一矢中的　觀眾有共鳴

向來低調的黃子華近日出關拍廣告，以港人搵食為題材，其實他以往的作品如棟篤笑、電影及劇集等，經常反映現實及諷刺時弊，如黃子華在2014年於《唔黐線唔正常》棟篤笑中，便以「阿媽和仔」及「婆媳關係」來比喻中港關係，其中談到香港回歸中國，他謂：「阿媽標仔參，邊個畀贖金？」另外，他亦有談及社會實況：「人類有自己嘅食物鏈，人類食物鏈簡單好多，只有三種，最下層係無產，中層係中產，頂層係冚ｘ鏟……名副其實冚家都係產，係絕無不敬嘅成份。」

除了棟篤笑外，黃子華會在劇集上反映打工仔生存之道，如在《棟篤神探》曾說：「畀份糧你，一半係畀你要嚟做嘢，另一半係畀你要嚟受氣嘅。」在《絕代商驕》亦提到：「辦公室精英四大入職要求：hea做、假度、虛應、陪笑。」黃子華亦曾在《My盛Lady》大談男女感情觀：「喺呢個世界上有100分嘅男仔，仲有100分嘅女仔，但係就冇100分嘅伴侶。」貼地及精警的對白，令觀眾產生不少共鳴。